ထုၵ်ႇလီၵိၼ် ၼမ်ႉၼဵင်ႈၶူမ်ႁိုဝ် ဢမ်ႇလီၵိၼ် ၽွင်းမိူဝ်ႈၼႂ်းတွင်ႉ ဢမ်ႇမီးတၢင်းၵိၼ်

ၼမ်ႉၼဵင်ႈၶူမ်ၼႆႉ ၵမ်ႉၼမ်ၵူၼ်းႁဝ်း ၵျိူၵ်ႈၵိၼ်မၼ်း တေႉတေႉ။ မၢင်ၸိူဝ်းၼႆႉ တိုၼ်ႇမႃးၵေႃႈ ႁႃၵိၼ်ၵမ်းလဵဝ်ယူႇ မၢင်ၸိူဝ်းသမ်ႉ ၵျိူၵ်ႈၵိၼ်ဢွၼ်တၢင်း ၵိၼ်ၶဝ်ႈ လႄႈ မၢင်ၸိူဝ်းၵေႃႈ ၵျိူၵ်ႈၵိၼ်ဝၢႆးၶဝ်ႈ ယူႇ။ မၢင်ၵေႃႉၵေႃႈၵျိူၵ်ႈၵိၼ် တႃႇသေႇ ဢမ်ႇဝႃႈၶၢဝ်းလႂ်ၵေႃႈ သမ်ႉပေႃး မီးဝႆႉၼႂ်းႁိူၼ်းတႃႇသေႇ ထိုင်မိူဝ်ႈမီးၶႅၵ်ႇၵေႃႈ ဢဝ်ပဵၼ်တၢင်းၵိၼ် လဵင်ႉၶႅၵ်ႇ/ ႁပ်ႉတွၼ်ႈၶႅၵ်ႇ ယူႇႁဵတ်းၼၼ်ယဝ်ႉ ၵမ်ႉၼမ်တႄႉ ၵႆႉႁၼ်တီႈႁိူၼ်း မိူၼ်ၼင်ႇ တႆး၊ လွႆ၊ ၶေႇၸၵႂႃႇယူယဝ်ႉ။

ၼဵင်ႈၼႆႉ ယွၼ်ႉဝႃႈၵူၼ်းၵျိူၵ်ႈၵိၼ် မၼ်းၼမ်ၼႃႇလႄႈ ထုၵ်ႇလီႁူႉဝႆႉ ၽွၼ်းလီလႄႈ ၽွၼ်းၸႃႉ မၼ်းယူႇယဝ်ႉ။ ၼဵင်ႈၼႆႉ မၼ်းမီးၼမ်ႉၵတ်ႉ ယွႆႈတၢင်းၵိၼ်ထၢတ်ႈ calories  ၼႂ်းတွင်ႉ/ ႁူင်းၶဝ်ႈလႅဝ်ငၢႆႈ လႄႈ သင်ဝႃႈၵိၼ်ပၼ် ၼမ်ႉၼဵင်ႈၶူမ်ၼႆ ၵူၼ်းၵူႊၵေႃႉၵေႃႈ ဝူၼ်ႉဝႃႈ ၼဵင်ႈၼႆႉ ႁဵတ်းႁႂ်ႈ ၶႆမၼ်းယွမ်းလူင်း ႁဵတ်းႁႂ်ႈယွမ်ၼႆယဝ်ႉ။

ယွၼ်ႉဝႃႈ ၼဵင်ႈၼႆႉ ႁဵတ်းႁႂ်ႈႁူင်းၶဝ်ႈ ယွႆႈတၢင်းၵိၼ် ထၢတ်ႈ calories ၵွႆဝႆးလႄႈ ထုၵ်ႇလီၵိၼ်ပၼ် ဝၢႆးၵိၼ်ၶဝ်ႈ သင်ဝႃႈၼႂ်းတွင်ႉ ပႆႇမီးသင်/တၢင်းၵိၼ် ၼႆ ဢမ်ႇထုၵ်ႇလီၵိၼ်ပၼ်။ သင်ဝႃႈၼႂ်းတွင်ႉ ပႆႇမီး တၢင်းၵိၼ်သင်သေ ၵိၼ်ၼမ်ႉၼဵင်ႈၶူမ်ၼႆ မၼ်းတေၵႂႃႇပၼ်ႁႅင်း ဢႅတ်ႉသိတ်ႉ(acid) တီႈၼႂ်းႁူင်းၶဝ်ႈႁဝ်း ယွႆႈပႅတ်ႈထၢတ်ႈ calories ပႅတ်ႈမူတ်း ၽွင်းၼၼ်ႉ ၼႂ်းတွင်ႉႁဝ်း သမ်ႉပႆႇမီး calories သင်ၼႆ မၼ်းတေသိုပ်ႇ ၵႂႃႇ ထႅင်ႈတၢင်ႇတီႈသေ ၸၢင်ႈ ႁဵတ်းႁႂ်ႈႁဝ်းပဵၼ် တွင်ႉယိုင်ႈ၊ တွင်ႉၵမ်ႉ ၊ ယူႇဢမ်ႇသႃႇ သင်ဝႃႈႁၢဝ်ႉႁႅင်းၼႆ တေၸၢင်ႈပဵၼ် ၵႂ်ႈၽေႃး၊ ၼဵတ်းသၢၼ်ႈ၊ တူၺ်ႈၸႂ်ယၢပ်ႇ ၸၵႂႃႇဢမ်ႇၵႃး ၸၢင်ႈႁၢဝ်ႉႁႅင်း ၼိူဝ်ၼႆႉယူႇ။ ယွၼ်ႉၼၼ်လႄႈ သင်ဝႃႈ ၼႂ်းတွင်ႉႁဝ်း ပႆႇမီးတၢင်းၵိၼ်သင်ၼႆ ဢမ်ႇထုၵ်ႇလီၵိၼ် ၼမ်ႉၼဵင်ႈၶူမ်ၼမ်ၼႆ ၽူးမီးတၢင်းႁူႉ ၵဵဝ်ႇၵပ်းပၢႆးယူႇလီ ၶဝ်ၵေႃႈ တိုၵ်းသူၼ်းမႃး ၼင်ႇၼႆယူႇယဝ်ႉ။

Ref- Great Horse Tea
From-ကျန်းမာရေးအလှအပသတင်းများ
Photo-google
တႆးလွတ်ႈလႅဝ်း