ၽူႈမီးၸၼ်ႉသိုၵ်းမၢၼ်ႈ လၵ်ႉပၢႆႈဢွၵ်ႇတပ်ႉမတေႃႇထႅင်ႈ

ၽူႈမီးၸၼ်ႉသိုၵ်းမၢၼ်ႈ လၵ်ႉပၢႆႈၽၢတ်ႇဢွၵ်ႇတပ်ႉမတေႃႇ ၽွင်းယၢမ်း တိုၵ်ႉသိုပ်ႇၶိုၼ်ႈၵၢၼ်သွၼ် ၸၼ်ႉၽူႈၵွၼ်းတပ်ႉၵွင် တီႈႁူင်းႁဵၼ်းသိုၵ်း ပႃႉထူး ၼႂ်းၸႄႈဝဵင်းလွၵ်ႉၸွၵ်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း။

ဝၼ်းထိ 29 လိူၼ်August. 2014 ပူၼ်ႉမႃးၼၼ်ႉ ၸဝ်ႈႁၢၼ်ၸေႃႇထႅတ်ႉ ၵေႃႉယူႇတီႈတပ်ႉ တသယ-2/700 ႁူင်းယႃၽၢႆႇသိုၵ်းၼၼ်ႉ ဢမ်ႇဢဝ်ၶိူင်ႈၵွင်ႈသင်သေ လႆႈတတ်းၸႂ်လၵ်ႉပၢႆႈၽၢတ်ႇဢွၵ်ႇ ၼႂ်းတပ်ႉသိုၵ်းတပ်ႉမတေႃႇၵႂႃႇ ၽွင်းယၢမ်းတိုၵ်ႉမီးၵၢၼ်သွင် ၶိုၼ်ႈလဵပ်ႈႁဵၼ်း ၸၼ်ႉၽူႈၵွၼ်းတပ်ႉၵွင် တီႈႁူင်းႁဵၼ်းသိုၵ်း ပႃႉထူး။

တင်ႈတႄႇ ၼႂ်းၵၢင်ပီႊ2013 တေႃႇထိုင် ၵၢင်ပီႊ2014 မႃးၼႆႉ ယွၼ်ႉလွင်ႈတဵၵ်းတဵင်၊ ၶႂၢင်ႈၶမ်ၸႂ် လၢႆလွင်ႈလၢႆတၢင်းလႄႈ ၵဵဝ်ႇၵၢၼ်တဵၵ်းတဵင် ၽူႈယႂ်ႇၽၢႆႇၼိူဝ်သေ ႁဵတ်းႁႂ်ႈ ၽူႈမီးၸၼ်ႉ ၸၼ်ႉၶုၼ်သိုၵ်းလူင်၊ ၶုၼ်သိုၵ်း၊ သိုၵ်းႁၢၼ် လႆႈလၵ်ႉပၢႆႈၽၢတ်ႇဢွၵ်ႇ တပ်ႉမတေႃႇၵႂႃႇ ဢၼ်လႆႈႁူႉၸွမ်းသၢႆမၢႆ ႁူမ်ႈဢမ်ႇယွမ်း 20ၵေႃႉ။

တႆးလွတ်ႈလႅဝ်း