တႅၼ်းၽွင်းပႃႇတီႇသၢင်ႇသီႈ လုင်းၶိၼ်ႇမွင်ႇတီႉ ဢွၼ်ႁူဝ်မေႃယႃ လူင်းယူတ်းယႃပၼ်ၵူၼ်းမိူင်း

တႅၼ်းၽွင်း ပႃႇတီႇသၢင်ႇသီႈ လုင်းၶိၼ်ႇမွင်ႇတီႉ ဢွၼ်ႁူဝ်မေႃယႃလူင် ၼႂ်းၸႄႈဝဵင်းလွႆလႅမ်သေ လူင်းယူတ်းယႃပၼ် ၵူၼ်းမိူင်း ၼႂ်းၸႄႈဝဵင်းမိူင်းပွၼ် လူင်းယူတ်းယႃပၼ်ၵူၼ်းမိူင်း ၼပ်ႉဢၢၼ်ႇႁူဝ်ပၢၵ်ႇမၼ်း။

ပူၼ်ႉမႃးမိူဝ်ႈဝၼ်းထီႉ 4.9.2014 ယၢမ်းၵၢင်ၼႂ် 8:30ၼၼ်ႉ တႅၼ်းၽွင်းပႃႇတီႇသၢင်ႇသီႈ ၸႄႈဝဵင်းလွႆလႅမ် လုင်းၶိၼ်ႇမွင်ႇတီႉ ဢွၼ်ဢဝ် ၽူႈၵွၼ်းႁူင်းယႃႈ မေႃယႃလူင် Dr.ဢွင်ႇထူၺ်း လႄႈ မေႃယႃ ဢၼ်မီးၼႂ်းႁူင်းယႃ တီႈၸႄႈဝဵင်းလွႆလႅမ်တင်းၼမ် လူင်းယူတ်းယႃ ပၼ်ၵူၼ်းမိူင်းတင်းသဵင်ႈ ႁူမ်ႈ (485)ၵေႃႉ။

ဢိင်ၼိူဝ်လွင်ႈတၢင်းၼႆႉသေ မေႃယႃၶဝ် လႆႈလူင်းယူတ်းယႃပၼ်ၵူၼ်းမိူင်း ၼင်ႇတၢင်းပဵၼ် ၵူႈလွင်ႈလွင်ႈမီးၼၼ်ႉ သေဢမ်ႇၵႃး သမ်ႉဢမ်ႇဢဝ်ပႃးငိုၼ်း ၵႃႈယူတ်းယႃမၼ်း၊ ၼႂ်းၵူၼ်းမိူင်း ၸႄႈဝဵင်းမိူင်းပွၼ် လႆႈမႃးယူတ်းယႃႈၼၼ်ႉ ပဵၼ်လုၵ်ႈဢွၼ်ႇ ၼႂ်းႁူင်းႁဵၼ်းၵမ်ႉၼမ်၊ လႆႈယူတ်းယႃ ပၼ်တၢင်းပဵၼ် မိူၼ်ၼင်ႇ လႆႈထူၺ်ႈပၼ်ၶဵဝ်ႈ၊ ယူတ်းယႃႈပၼ်ၶဵဝ်ႈမႅင်း၊ ဢိၵ်ႇတၢင်းပဵၼ်ၵူႈလွင်ႈလွင်ႈ လႄႈ ယူတ်းယႃႈတႃ ၸိူဝ်းၼႆႉ ၼႆယဝ်ႉ။

မေႃယႃၸႄႈဝဵင်းလွႆလႅမ် လူင်းယူတ်းယႃ ပၼ်ၵူၼ်းမိူင်းၼႆႉ လႆႈလူင်းယူတ်းယႃပၼ် ၼႂ်းဝၼ်းလဵဝ်ၵူၺ်းလႄႈ ပေႃးၵူၼ်းမိူင်း ပဵၼ်တၢင်းပဵၼ် ဢၼ်လွင်ႈယႂ်ႇ လႅပ်ႈတေလႆႈယူတ်းယႃႈပၼ်ႁိုင်ၼႆ လႆႈဢဝ်သူင်ႇၵႂႃႇ ယူတ်းယႃပၼ်တီႈ ၸႄႈဝဵင်းလွႆႈလႅမ်ၼႆယဝ်ႉ။

ၼႂ်းမေႃယႃ ဢၼ်လႆႈလူင်း ၵႂႃႇယူတ်းယႃပၼ်ၵူၼ်းမိူင်းၼၼ်ႉ 1.မေႃယႃလူင် Dr.ဢွင်ႇထူၺ်း 2.Dr.တိၼ်းတိၼ်းလႅင်ႇ(O.G)၊ 3.Dr.ၼိၼ်းမူဝ်းထုၼ်း (ၽၢႆႇလုၵ်ႈဢွၼ်ႇ)၊ 4.Dr.ဢူးၸူဝ်းမျိၼ်ႉထုၼ်း (ၽၢႆႇယူတ်းယႃလုပ်ႇ)၊ 5.Dr.ဢွင်ႇထိၼ်ႇလိၼ်း (ၽၢႆႇယႃၶဵဝ်ႈ)၊ 6.Dr.လုင်းမျၢတ်ႉဢေး (ၽၢႆႇယႃတႃ)၊ 7.Dr.လုင်းၸူဝ်းဢွင်ႇ (ၽၢႆႇၽႃႇတတ်း)၊ 8.Dr.မေႇတႅတ်ႉၼူဝ်းၼူဝ်း၊ 9.Dr.ဢွင်ႇယႄးၵျေႃႇ၊ 10.Dr.ယူဝ်းမျၢတ်ႉၼွႆႇ၊ 11.Dr.ဝိၼ်းတႅၵ်ႉဢွင်ႇ၊ 12.Dr.ၸၼ်းၸၼ်းဝိၼ်း၊ 13.Dr.ၸေႃႇမဵဝ်းဢွင်ႇ လႄႈ ၼၢင်းမေႃယႃNurse (8)ၵေႃႉ ၼႆယဝ်ႉ။

တႆးလွတ်ႈလႅဝ်း